Notice: 呼叫 wp_enqueue_script 的方式不正確。在 wp_enqueue_scriptsadmin_enqueue_scriptslogin_enqueue_scripts 勾點執行動作前,都不應該將指令碼及樣式進行註冊或加入佇列。 請參閱〈WordPress 的偵錯功能〉以進一步瞭解相關資訊。 (這項訊息新增於 3.3.0 版) in /home/tesla-guide.hk/domains/life.tesla-guide.hk/public_html/wp-includes/functions.php on line 4778

Notice: 呼叫 wp_enqueue_script 的方式不正確。在 wp_enqueue_scriptsadmin_enqueue_scriptslogin_enqueue_scripts 勾點執行動作前,都不應該將指令碼及樣式進行註冊或加入佇列。 請參閱〈WordPress 的偵錯功能〉以進一步瞭解相關資訊。 (這項訊息新增於 3.3.0 版) in /home/tesla-guide.hk/domains/life.tesla-guide.hk/public_html/wp-includes/functions.php on line 4778

Notice: 從 4.3.0 版開始,PostInCategory 的 WP_Widget 呼叫的建構函式方法已淘汰不用,請改用
__construct()
。 in /home/tesla-guide.hk/domains/life.tesla-guide.hk/public_html/wp-includes/functions.php on line 4508
超主觀觀點:唔好太倚賴 Superchargers | Tesla香港指南

超主觀觀點:唔好太倚賴 Superchargers

By
 In 科技。生活, 最新資訊, 充電相關

街上越來越多 TeslaSuperchargers 1 小時免費充滿電,對於香港大部分不能夠自行拉線充電的車主,自然個個都去 Superchargers 充電。近期 Superchargers 充電排隊問題的確比以往緊張。現在連非繁忙時間都可能要排隊充電,加上部分車主充電後長期霸佔充電站,引致其他車主怨聲載道,有部分車主會將霸佔充電站的車影相放上網,最近亦有車主希望透過我的 social media reach 呼籲車主不要再霸佔充電站。與其要我去「呼籲」 Tesla 車主自律,倒不如反其道而行,在此分享一點點的「超主觀又未必啱睇」的個人感想。

長期霸佔充電站,根本冇得解決

我認為除非 Tesla 有措施去解決 Superchargers 被霸佔的問題,否則單憑我們將霸佔車位的車主 post 上網,或者去聚集全港最多 Tesla 車主的 private group 做網上呼籲,都不能夠解決問題。原因很簡單,第一,始終都會有一班車主係唔會上 social media。第二,總會有部分明知道霸住個位係唔啱的車主試過,有一兩次充電途中因為種種原因而趕唔切返黎駛走部車,結果遲左半小時甚至一小時返嚟取車。第三,更甚是有一部分車主並不會 concern 這些 charging manner 問題,霸你咪霸你囉。這些車主數量唔需要多,全港 2200 Model S,只要有1%車主是上述車主,已經足已 screw up 整個 Superchargers 生態造成 social cost

公家 + 免費 + 1小時充滿電,就預左係咁。就正如無論香港人幾 well educated,都總會有人泊咪錶唔入錢,可能係唔記得入錢、可能係特登唔入錢、又或者可能係過咗時但有種種原因返唔切黎入錢,正正就好似一部分車主充完電都唔走的原因吧。

香港無論起幾多個 Superchargers 都無用

我認為,喺香港無論起幾多個 Superchargers 都無用。假設所有車主都守規則,充完電就即走,繼續於各區起 Superchargers 是可以解決充電站不足的問題,但事實上最大問題是車主充完電一般都不會「即時」駛走部車,更甚就是一些長期霸佔充電站及一日充幾次電的 Uber 的車主,這些 social cost 才是最大問題。

Tesla 繼續不斷增設新 Superchargers 充電站,我認為每一個充電站選址上最大目的是 brand building 大於改善充電站短缺問題,越多高消費力的熱門地區停車場設有 Superchargersbrand building 效果越明顯,加上車主去充電就等同免費幫 Tesla 賣廣告 (點解熊貓酒店咁奇怪要分別起喺最近入口的 4/F 同最遠的 7/F,而唔一次過 7/F 起晒 2 pairs?)。以解決充電問題為出發點的話,我認為 Tesla 以熱門商場為選址是很出事的。充電大約 1 小時,如果商場有嘢行,行街行到過晒鐘唔係無機會的,如果有另一半或小朋友同行就加出事,行行下街同另一半講要駛走部車,有時都會幾掃興。

⬆︎行行下街見到呢個畫面,心情其實都幾矛盾
⬆︎行行下街見到呢個畫面,心情其實都幾矛盾

上星期 Tesla Special Event HK 有兩位車主都提問到車主霸佔充電位的問題,而 Tesla 回應的解決方法就是「將會起更多 Superchargers」,並無其他措施去改善霸佔和 Uber 問題。未來路上的 Tesla 只會越來越多,所以,只要 Tesla 繼續只以商場為充電站的選址,未來最好不要太倚賴 Supercharger 作為唯一的充電選擇了。

Superchargers 並唔係唯一的充電選擇

花咁多錢買部 Tesla 返黎,享受電動車為你帶來前所未有的駕駛體驗,本應係開心事。面對住解決唔到的 Superchargers 問題而令到自己每次充電時間難以預計而影響自己情緒,不值得。不如由現在起,嘗試開始減少對 Superchargers 的倚賴,尋求其他充電方式。除了 Superchargers 外,其他充電站在我經驗看來並不會長期爆滿,加上最近中電積極地將慢速充電站改建為同時支援相 32ACHAdeMO CCS 的中快速充電站,亦是很好的選擇。附近有相 32A 充電站,可以考慮加裝 Dual Charger1 小時 96km3個鐘就可以充滿電。如果你搵過附近係冇中快速充電,而 Superchargers 又長期都爆,同埋你只有繁忙時間充電,屋企或公司樓下都無得拉線的話,反而你應該認真考慮一下應唔應該買 Tesla

個人建議給 Tesla 的解決方案

網上有很多車主都有提出很多解決 Superchargers 充電問題的方案。例如:
1. 每天首1小時免費充電,其後開始收費每小時 $50,目的令 Uber 及長期霸佔車位唔走的車主卻步。
2. Superdischarge: 充滿電就唔走就放電 (?…)
3. 將 Supercharger 直接改為按小時收費
4. 預約充電

我認為以上種種建議在 Tesla 角度都比較難實行,依賴 Superchargers 為主要充電方式這個現象是香港獨有。在外國,大部分車主的屋企都可以拉線,Superchargers 原意就是將遙遠的旅途中讓車主短時間充電。收費的 Supercharger,全球好像暫時未有一個地方有實行過,要為香港這個市場改變營運模式,我相信絕不容易。加上「免費 Superchargers 充電」是現在 Tesla 賣車的 standard option,將免費改為收費,只要有一個車主反對而搵返份 Terms 出黎告 Tesla,到時 Tesla 就會好頭痕。

⬆︎ 「免費 Supercharger 充電」是標準配置,如改為收費就好容易俾人告違約
⬆︎ 「免費 Supercharger 充電」是標準配置,如改為收費就好容易俾人告違約

至於預約充電,理論上每個 Supercharger Station 都最少擺一個工作人員維持秩序,如果行唔通就要將 Supercharger 改裝到可以認 Vin Number 充電。但又有問題,如果有無預約車主強行泊位,又或者充完電唔走,又如何處理?所以我認為以上所有方案在 Tesla 角度都比較難實行。

我有一個可行的建議,是建基於不影響 Tesla 現行營運模式及外國案例而提出。就是選址就不再只有商場 (原因上面已經提及過),其實外國好多 Superchargers 都唔係起喺商場,相反可以考慮一些人流不多又無嘢好做的地方。例如,起一個 Superchargers 起喺屯門公路巴士轉乘站,附近除咗食風同望海就乜都無,我相信個個充完電都即走。想兼顧 brand building?都得,可以起喺油站隔離,brand building 效果仲明顯,我相信好多車主會拎手機影住自己部車充電時,背景係入緊油的汽油車,我一定會第一個 post 上網,仲可以做埋 viral marketing。又或者跟 coffee shop 合作,隔離開間 coffee shop + 賣 Tesla accessories + 少量 Tesla customer support。

⬆︎外國好多 SC 都唔一定起喺商場,除左食風無野好做,充完電仲唔即走?
⬆︎外國好多 SC 都唔一定起喺商場,除左食風無野好做,充完電仲唔即走?

如此一著,Tesla 兼顧到 brand building,Superchargers 可以繼續免費,又無需預約,充電站又不會被霸佔,更甚有機會成為新商機。喺 Tesla 有點影響力的朋友如果睇到我的建議而又認為可能的話,不妨提議一下,造福人羣!

後記

唔好太倚賴 Supercharger 的想法其實一點都不消極,我只是不將車主的自律性太理想化。我依然會繼續鼓勵車主充完電就要離開,同時將雪糕筒擺返車位,這亦是我一直堅持的 charging manner。每次我見到有人霸佔充電位,我就會貼一張自製卡紙在車窗,希望佢會明白其他人的需要。既然現時 Tesla 未能解決充電站長期霸佔的問題,便唯有積極地去尋求其他充電選擇。我最近已經找到了,你呢?

⬆︎每次見到車主充完 SC 遲遲都唔走,我就會貼一張自製卡紙在車窗
⬆︎每次見到車主充完 SC 遲遲都唔走,我就會貼一張自製卡紙在車窗
⬆︎呢張係用黎對付ICEs嘅 (但我打錯咗字...)
⬆︎呢張係用黎對付ICEs嘅 (但我打錯咗字...)

Notice: ob_end_flush(): failed to send buffer of zlib output compression (1) in /home/tesla-guide.hk/domains/life.tesla-guide.hk/public_html/wp-includes/functions.php on line 4344

Notice: ob_end_flush(): failed to send buffer of zlib output compression (1) in /home/tesla-guide.hk/domains/life.tesla-guide.hk/public_html/wp-includes/functions.php on line 4344