Notice: 呼叫 wp_enqueue_script 的方式不正確。在 wp_enqueue_scriptsadmin_enqueue_scriptslogin_enqueue_scripts 勾點執行動作前,都不應該將指令碼及樣式進行註冊或加入佇列。 請參閱〈WordPress 的偵錯功能〉以進一步瞭解相關資訊。 (這項訊息新增於 3.3.0 版) in /home/tesla-guide.hk/domains/life.tesla-guide.hk/public_html/wp-includes/functions.php on line 4778

Notice: 呼叫 wp_enqueue_script 的方式不正確。在 wp_enqueue_scriptsadmin_enqueue_scriptslogin_enqueue_scripts 勾點執行動作前,都不應該將指令碼及樣式進行註冊或加入佇列。 請參閱〈WordPress 的偵錯功能〉以進一步瞭解相關資訊。 (這項訊息新增於 3.3.0 版) in /home/tesla-guide.hk/domains/life.tesla-guide.hk/public_html/wp-includes/functions.php on line 4778

Notice: 從 4.3.0 版開始,PostInCategory 的 WP_Widget 呼叫的建構函式方法已淘汰不用,請改用
__construct()
。 in /home/tesla-guide.hk/domains/life.tesla-guide.hk/public_html/wp-includes/functions.php on line 4508
Tesla Model S車主 體驗1個月後的評測 | Tesla香港指南

Tesla Model S車主 體驗1個月後的評測

By
 In Model S/X, 最新資訊, 最新評測

剛交車足足1個月,自從擁有了Tesla Model S後,對我於生活上的轉變是很大的。起初動念轉揸電動車的初衷 (例如唔駛油錢、起步超快、高科技等),究竟經過1個月後係咪依然咁諗呢?都想借此機會跟大家分享一下。

始終個人分享唔係人人都啱睇,開始之前,我先申報一下我的狀況。我居住屯門,於荃灣工作,一星期有一至兩天到九龍區開會,假日亦會跟家人到九龍區用饍和閒逛。我偶爾會enjoy起步加速的快感,但並不太追求速度上的極緻,駕車習慣是僅僅去到speed limit (有時多少少啦,屯門公路,你懂的)。為減少充電次數和令家人坐得舒適,一般而言我是揸斯文車的。我的車款是Model S 70D,option有天窗、Smart Air Suspension、Sport Seat、21″鈴、同埋剛剛俾運輸署廢咗武功的Auto Pilot功能

駕駛體驗

駕駛體驗真係爽到爆,以往揸汽油車,踩油力度所帶來嘅快樂指數同油費係成正比,揸大力少少油門以前係一件心情好複雜的事情,既興奮又肉赤。同埋每次差唔多無油,心裡面又會覺得「頂,咁快又要入油」,油公司又加快減慢,就算我已經有esso -$2.1,我都依然覺得打爆一缸油係唔平,所以以往大部分時間揸車都係盡量避免大力加速或減速。自從轉左Tesla Model S,呢一個月黎我根本唔需要擔心會嘥電,無晒電咪充電囉,又唔駛錢,就係咁簡單。Model S起步速度驚人,現在每日揸車,喺唔超速的程況下,基本上係唔需要再理會有幾大腳,超爽。此外,由於Tesla有Regenerative Brake剎車系統,現在習慣了這個系統後,基本上係好少基會用到brake,brake皮可以好耐用。

因為屯門公路經常都塞車,以前如果出門口前唔記得開Google Maps check交通情況,就好容易中招。現在整個Google Maps內置咗喺個17″ Dashboard,開車前唔會再忘記check交通情況,冇得輸。

以前揸車,來來去去唔係聽自己啲mp3就係聽電台,而家因為部車有得上網,仲可以聽埋Internet Radio,可以隨自己心情聽過萬首唔同種類嘅歌,令到駕駛體驗更加有feel。

至目前為止,我已經行左2000公里 (平均1日65公里),但係我仍然無俾過$1充電,如果仲係揸緊汽油車,已經用咗我$2500了。

至於充電方面,始終樓下停車場無拉充電線,初初比較擔心唔夠電,2-3日去一次充電,無形中花咗多少時間。但現在都開始慢慢適應,停車場咁啱有得充電就充電,然後大約5日左右去一次Superchargers充電,生活上已經唔構成影響,始終$0充電實在太吸引,我相信我仍然唔會落樓下停車場俾$30充三相32A

生活體驗

生活上方便了很多,以往都會擔心嘥油錢,如果唔駛載屋企人,有時都會搭巴士地鐵慳油錢。轉揸電動車後,由於$0充電,而家更加少乘搭巴士地鐵了,真正無需再為慳油錢迫巴士地鐵。另外,我之前係揸Audi A5,Tesla Model S車身相比之下寬趟好多,屋企人同朋友都覺得坐得好舒適。Tesla Model S車頭可以儲物,好多時同老婆買完生活用品都直接放去車頭箱,變成了女人恩物。講起老婆,亦因為$0充電,而家變得好願意揸車接送,甚至主動提出幫老婆出遠門買日用品,老婆多咗個阿四之餘我又揸得暢快。

至於部車有咩唔好嘅地方,暫時真係無,可能依然處於蜜月期,我幾乎諗唔到汽油車有咩地方好過電動車。過多2個月,有機會可以再同大家分享一下。

最近喺街上面行,馬路上引擎所帶來的燥音、廢氣,全部都係由汽油車所造成,如果將來電動車可以普及化,馬路上少一點燥音,少一點廢氣,電動車真係可以令環境更好。


Notice: ob_end_flush(): failed to send buffer of zlib output compression (1) in /home/tesla-guide.hk/domains/life.tesla-guide.hk/public_html/wp-includes/functions.php on line 4344

Notice: ob_end_flush(): failed to send buffer of zlib output compression (1) in /home/tesla-guide.hk/domains/life.tesla-guide.hk/public_html/wp-includes/functions.php on line 4344